<div class="raw-html-embed"><iframe width="560" height="315" src="https://www.youtube.com/embed/_w9EpvlLNb0" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen=""></iframe></div><p>دەتوانین پرسیار و سەرنجەکانتان ئاراستە کۆمیسیون بکەن لە رێگای ژمارە پەیوەندی 07729096060&nbsp;</p>

سه‌نته‌ری وه‌ڵامدانه‌وه‌ی په‌یوه‌ندیه‌كان له‌ كۆمسیۆن

<p style="text-align:justify;">سەرۆکی دیوانی سەرۆکایەتیی هەرێمی کوردستان ئاشکراى دەکات، سەرۆکى هەرێمى کوردستان لە دوو مانگى داهاتوو کاتى هەڵبژاردنى پەرلەمانى کوردستان دیارى دەکات و هاتنى برێت مەکگۆرکیش بۆ هەولێر پشتڕاست دەکاتەوە.<br>ئەمڕۆ دووشەممە (16/کانوونى دووەم/2023) فەوزی هەریری، سەرۆکی دیوانی سەرۆکایەتیی هەرێمی کوردستان لە کۆنگرەیەکى ڕۆژنامەوانیدا لە بارەى ناکۆکییەکانى پارتى و یەکێتى ڕایگەیاند، "هیوادارین ناکۆکییەکان زیانى بۆ سەقامگیریی هەرێمی کوردستان نەبێت و سەرۆکایەتیی هەرێمی کوردستان هەمیشە چەترێک بووە بۆ کۆکردنەوەی هەموو لایەک و ئێمە بەردەوام دەبین لەسەر ئەم ئەرکە، چونکە ئەمە ئەرکێکی راستەوخۆی جەنابی سەرۆکی هەرێمی کوردستانە و بەردەوامیش دەبێت لە هەوڵەکانی، بێگومان ئەوەی ئێستا روویداوە ئێمە پێمان ناخۆشە، بەڵام دەبێت گەشبین بین. "</p><p style="text-align:justify;">فەوزى هەریری لە بەشێکى قەسەکانى ئاماژەى بەوەکرد، “دەبێت ئەمساڵ هەڵبژاردن بکرێت، لە دوو مانگی داهاتوودا سەرۆکی هەرێمی کوردستان ئەو رۆژە دیاری دەکات، بەڵام ئەرکی پەرلەمانى کورستانە کۆببێتەوە و پرسى یاسای هەڵبژاردن و کاراکردنەوەی کۆمیسیۆنی هەڵبژاردن چارەسەر بکات.”</p>