فەرمانگەی هەولێر خولێکی هونەری بۆ فەرمانبەرانی دەكاتەوە

 

 

بەرواری ۲۰۲۳/٥/۲۱ لە هۆڵی فەرمانگەی گشتی پارێزگای هەولێری کۆمیسیۆنی باڵای سەربەخۆی هەڵبژاردن و ڕاپرسی، خولێکی هونەری بۆ فەرمانبەرانی هەردوو بەشی هونەری و کارگێڕی فەرمانگەکە کرایەوە.

خولەکە لە ژێر ناونیشانی (ڕێساکانی ڕەفتارو زیادکردنی ڕێژەی بەشداربوان بۆ ڕۆژی دەنگدان) بەڕێوەدەچێت٬ هەروەها مەبەست لێی بەرەو پێشبردنی ئاستی فەرمانبەرانی فەرمانگەکەیە لە چوارچێوەی خولە بەردەوامەکانی کۆمیسیۆنی باڵای سەربەخۆی هەڵبژاردن و ڕاپرسی.

 شایەنی باسە بەڕێزان د.ئارام نجم الدین بەڕێوەبەری گشتی فەرمانگەی هەولێر و عزیز فرخ یاریدەدەری بەڕێوەبەری گشتی، و سەرۆکی بەشەکانی فەرمانگەکە ئامادەی کردنەوەی خولەکە بوون.